တရုတ်နိုင်ငံ၊ ချန်ဒူးမြို့က တက္ကသိုလ်ကျောင်းသားတဦးဟာ
ယွမ်ငွေ ၃၅၀၀ (အမေရိကန်ဒေါ်လာ ၅၅၀)
အကုန်အကျခံပြီး ကိုယ်တိုင်လုပ်လျှပ်စစ်ကားကိုတီထွင်ခဲ့တယ်လို့
တရုတ်ပြည်သူ့နေ့စဉ်သတင်းမှာ ဖော်ပြပါတယ်။
အဲဒီကျောင်းသားဟာ ထုတ်လုပ်မှု ဒီဇိုင်းဘာသာရပ်ကို
အထူးပြု ယူထားခဲ့တာဖြစ်ပြီး ကားကိုထုတ်လုပ်ဖို့
အချိန် ၃ လ ကြာခဲ့တယ်လို့ ဆိုပါတယ်။
၂ မီတာအရှည်ရှိပြီး ၁၀၀ ကီလိုဂရမ်ကျော် အလေးချိန်ရှိတဲ့
အဲဒီကားကို လူတဦးတည်းသာ စီးနင်း မောင်းနှင်နိုင်မှာဖြစ်ပြီး
ကိုက် ၄၀ ကျော်ခရီးကို မောင်းနှင်နိုင်စွမ်း ရှိပါတယ်။
ကားတွင်းအသုံးပြုထားတဲ့ ဘက်ထရီကို တနာရီအားသွင်းထားပြီးရင်
တနာရီ ပြန်အသုံးပြုနိုင်မှာဖြစ်ပြီး ကားတီထွင်ရာမှာ အသုံးပြုတဲ့
အစိတ်အပိုင်းတွေကိုတော့ တရုတ်နိုင်ငံ ကူးသန်းရောင်းဝယ်ရေးဆိုင်ရာ
အွန်လိုင်းပလက်ဖောင်းတခုဖြစ်တဲ့ Tabao.com က
ဝယ်ယူခဲ့တာလို့ သတင်းမှာ ဖော်ပြပါတယ်။
credit: DVB
No comments:
Post a Comment